Anakku Si Kukelengi - HUT YKPD GBKP Alpha Omega


Bahan PJJ 8-14 Juli 2018

Bahan Alkitab ( Jop 29:12-16 )
  • 29:12 Karena aku menyelamatkan orang sengsara yang berteriak minta tolong, juga anak piatu yang tidak ada penolongnya;
  • 29:13 aku mendapat ucapan berkat dari orang yang nyaris binasa, dan hati seorang janda kubuat bersukaria;
  • 29:14 aku berpakaian kebenaran dan keadilan menutupi aku seperti jubah dan serban;
  • 29:15 aku menjadi mata bagi orang buta, dan kaki bagi orang lumpuh;
  • 29:16 aku menjadi bapa bagi orang miskin, dan perkara orang yang tidak kukenal, kuselidiki.
Kitab Jop biasa sigelari kita kerna kalak benar si menderita. Teologi kitab Jop membalikkan tradisi teologi konvesional maka kalak bujur asti ipasu-pasu janah kalak jahat kena celaka. Kita Jop nuduhken pergumulen si mbages selaku anak Tuhan, uga megengeng dingen saber ngalaken erbage-bage hal si jadi alu tetap mata nare ku Tuhan dem alu kiniteken. Ibas bagin-bagin si pemena kita Jop ituriken maka Jop ee sekalak si bujur (benar) i lebe-lebe Tuhan. La melala informasi bagepe alesen uga maka Jop ikataken Tuhan sekalak si bujur (benar). Ibas Jop 29 si jadi oratenta wari enda si idah “sisi lain” kegeluhen Jop si menguatken pernyataan maka Jop eme sekalak bujur/benar.

Teridh ibas ogen Pustakanta maka Jop eme sekalak si dem alu kekelengen. Ibuktikenna kekelengen dingen kualitas kinitekenna alu nampati kalak musil, anak melumang si la ersima-sima, diberu balu-balu, bagepe melala kalak si narusna bene. Jop menempatken dirina jadi mata man kalak si pentang, bahe man kalak si cempang, bapa man kalak musil, janah penampat man kalak si pertandang. Erta bagepe kerina kiniliten si lit ibas Jop la erbahan ia lupa nandangi kalak si perlu man sampaten, bahkan kerina kengasupenna ipakekenna guna mengangkat, membela, memperjuangken hak ras kegeluhen kalak si mesera, tertindas, janah mungkin ilupaken kalak si deban.

Ibas bulan Juli enda YKPD (Yayasan Kristen Penyandang Disablititas) GBKP Alphan Omega ulang tahun ke -30 (21 Juli 1988-21 Juli 2018). Kehadiren Yayasan enda eme salah sada bentuk Diakonia GBKP, kepedulian gereja nandangi anak-anakta si berkebutuhan khusus. Alu litna YKPD Alpha Omega, GBKP berjuang guna mengangkat, membela, bagepe memperjuangken keberadaan ras hak-hak anak-anakta enda i tengah-tengah gerja ras masyarakat. Erbage-age program ras kegiaten si enggo ilakoken YKPD sedekah enda ibas pelayanenna, subuk ibas sekolah/pendidiken, asrama, pelatihan, ketrampilen, peternaken ras pertanian i juma lingga, ras sidebanna, bagepe Rehabilitasi Bersumberdaya Masyarakat (RBM) bahkan mungkin perkunjungen ras penjematan alu kerehen anak-anakta, pegawai ras yayasen enggo ilakoken ku erbage-bage runggun ibas gerejanta.

Harus siakui sedekah enda perhatin nandangi orang-orang berkebutuhen khusus ibas masyarakat ras gereja minim dengan kel, subuk ibas fasilitas, aksesibilitas, hak-hakna erpalasken UU no. 8 tahun 2016, bahkan melala denga la saja terabaikan tapi alu sengaja i eksploitasi pe tenagana, imanfaatken kekurangenna oleh kalak non disabilitas. Emaka piga-piga tahun belakangen enda YKPD Alpha Omega cukup giat erbahan kegiaten berbasis masyarakat gelah anak-anak kebutuhan khusus la irendahken, la isingkirken, la ieksploitasi ras la imanfaatken tapi keberadaanna ialoken alu dem kekelengen oleh disabilitas (Menuju masyarakat inklusi). Emaka arah teman-ta minggu enda ibabai kita guna erlajar arah kegeluhen sekalak Jop. Ia hadir sebage penolong, pejuang si tuhu-tuhu berperan ibas ngkelengi kalak si perlu man sampaten. Anak-anakta ibas YKPD, pegawai, bagepe Yayasen enda eme milik dingen tanggung jawabta ras. Anak-anak si berkebutuhen khusus e, eme anak-anak GBKP, anak-anakta kerina. Emaka perlu kel siiyahken ibas perpulungen bagepe runggunta guna lebi berpartisipasi lebih aktif alu erbahan perkunjungen secara terprogram guna mperdiateken kekelengenta ibas Alpha Omega.

Melala dengan kel pengembangen-pengembangen si banci silakoken ibas YKPD Apha Omega, khususna ibas membangeun Juma Lingga Alpha Omega jadi Pusat Pemberdayaan ras Agro Wisata secata bertahap selama 15 tahun kedepan ras enggo imulai tahun 2017 si lewat. Guna sie iperluken kel saran, masuken, pemikiren, ide, ras kiniliten ibas kita guna engembangken pelayanen YKPD Apha Omega khususna ibas menampung lebih banyak disabilitas, mengembangken SDM anak-anakta si lit ije menuju kesejahtraan geluhna (Visi YKPD GBKP Alpha Omega). Pernjumpanta bagepe kekelengenta ras anal-anakta si bekebuthen khusus eme perjumpan pribadinta ras Tuhan sebab tangkas ituriken Jesus ibas Matius 25:40 “kai si ibahandu man sekalak si musilna ibas seninangKu enda, eme situhuna perbahanendu mab bangKu.”

EVALUASI:
Uga aksita si lewat?

DISKUSI
1. Kai nge si banci siplajari arah karakter ras kiniteken Jop si hadi memperjuangken kegeleuhen kalak musil,balu-balu, anak melumang, kalak pertandang si lit i sekelewetna?
2. Ibas ulang tahun YKPD Alpha Oemga pe-30 ken enda kai nge si bancisi tole silakoken lebih asa guna muat bagin ibas mengembangken YKPD Alpha Omega enda? Diskusiken guna ilakoken ibas aksi nyata.

AKSI
Arihken ras putusken sada bentuk partisipasinta ibas pengembangen pelayanen YKPD GBKP Alpha Omega, secara pribadai/keluarga PJJnta. Jenari Lakokenlah!

USULEN LAGU
1. KEE GBKP NO: 198:1,3
2. KEE GBKP NO: 191:1,3
3. KEE GBKP NO: 177:1,3
4. KEE GBKP NO: 227:1-3

TOPIK PEROTOTON SYAFAAT
1. Gelah gereja, masyarakat, ras keluarga ngasup ngkelengi ras mengembangken potensi si lit ibas anak-anak si berkebutuhen khusus.
2. Gelah YKPD GBKP Alpha Omega (anak-anak, pegawai, pengasuh, tas Yayasen) tetap ngasup ndalaneken dahin kekelengen enda rikt pe ras program-program si enggo ibahan guna mpeturah kemalemen ate man keluarga,gereja, ras masyrakat.
3. Si turah ibas perpulungen.

1 Komentar untuk "Anakku Si Kukelengi - HUT YKPD GBKP Alpha Omega"

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel