Ipuji Kami GelarNdu Si Mulia

Bahan PJJ 10-16 Februari 2019


Thema : Ipuji Kami GelarNdu si Mulia
(Konfesi GBKP: Ibadah
( I Tawarikh 29 : 10-13 )
29:10 Lalu Daud memuji TUHAN di depan mata segenap jemaah itu. Berkatalah Daud: “Terpujilah Engkau, ya TUHAN, Allahnya bapa kami Israel, dari selama-lamanya sampai selama-lamanya.

29:11 Ya TUHAN, punya-Mulah kebesaran dan kejayaan, kehormatan, kemasyhuran dan keagungan, ya, segala-galanya yang ada di langit dan di bumi! Ya TUHAN, punya-Mulah kerajaan dan Engkau yang tertinggi itu melebihi segala-galanya sebagai kepala.

29:12 Sebab kekayaan dan kemuliaan berasal dari pada-Mu dan Engkaulah yang berkuasa atas segala-galanya; dalam tangan-Mulah kekuatan dan kejayaan; dalam tangan-Mulah kuasa membesarkan dan mengokohkan segala-galanya.

29:13 Sekarang, ya Allah kami, kami bersyukur kepada-Mu dan memuji nama-Mu yang agung itu.
Raja Daud ersura-sura guna majekken rumah pertoton Tuhan tapi la ibere Tuhan ia simajekenca sabab arah tan Daud enggo nterem kalak si mate bagepe mbue darah si enggo mambur sanga ia erperang (bdk. I Kron.22:8 ). Salomo anak Daud me si ipake Tuhan guna majekken rumah pertoton e. Aminna Daud la ibereken Tuhan guna majeken rumah pertoton e tapi la kitik ukurna, la ia megelut ras la ernembeh ate man Tuhan. Daud tetap semangat ras ergiah-giah guna njemba anakna Salomo ras nampati nikapken keperlun guna majekken rumah pertoton e asa gegeh kengasupen.

Igejapken Daud uga buena pasu-pasu Dibata si enggo ialokenna termasuk Dibata enggo jadiken ia jadi sekalak raja. Jelas kal tujun Daud ibas sura-surana majekken rumah pertoton Tuhan eme guna muji Dibata, labo guna encidahken kehaganna selaku raja. Metedeh kal atena gelah lit rumah pertoton Tuhan, i tengah-tengah bangsana guna ingan ersembah man Dibata.

Selaku raja kalak israel, Daud ngingetken man bangsaNa gelah tuhu-tuhu nembah man Dibata jine. Dibata patut isembah sabab Dibata si isembah nini-ninina ndube ( Abraham, isak ras Jakub ) eme Dibata si rasa lalap erkuasa, Dibata si tetap ras Dibata si Mulia. Kerina sinasa lit subuk i langit bage pe i doni ras kerina isina jadi erkiteken Dibata. Termasuk kerina erta ras kebayakan si lit i bas kalak Israel rehna ibas Dibata nari. Pengakun enda penting man kalak Israel ibas ersembah man Tuhan. Daud ngajuk kalak Israel gelah tetap muji Tuhan janah ngataken bujur ibas kerina perbahenen Dibata. Kerina kegeluhen si lit i bas kalak Israel ipakeken guna mpermuliaken Dibata sabab kerina si ialokenna eme erkiteken kuasa ras perbahanen Dibata. Jadi, adi Daud ras kalak Israel mpepulung erta-erta guna majeken rumah pertoton maka situhuna kai si iberekenna e rehna i bas Dibata labo erkiteken kebeluhen ras gegehna.

Baca Juga : Bahan PJJ 3-9 Februari 2019

Salah sada tanda kegeluhen kalak si erkiniteken eme ersembah man Dibata. I bas konfesi GBKP Bab X ituriken kerna ibadah.

IBADAH. Kami percaya , bahwa :

Ibadah adalah ungkapan rasa syukur orang Kristen yang telah diselamatkan oleh Allah yang dinampakkan melalui pikiran , ucapan dan tindakan dalam kehidupannya (Bdk. Rom. 12:1 ; Yak. 2:17 )
Ibadah merupakan panggilan untuk memuliakan Allah melalui segala sesuatu yang diberikan Allah dalam hidup orang Kristen, baik pengetahuan, bakat atau talenta dan harta milik (bdk. 1 Taw. 29:14; 1 Sam. 2:7).
Ibadah dilakukan setiap saat dalam konteks ruang dan waktu dalam bentuk ibadah pribadi, ibadah rumah tangga, ibadah minggu maupun ibadah jemaat lainnya.
Ibadah, dari awal hingga akhir adalah satu kesatuan yang utuh. Ibadah dalam bentuk sakramen hanya 2 ( dua ): Baptisan kudus untuk orang dewasa dan anak(bdk. Mat.28:18-1 ; Rom.6:3-4 ; Kor.6:11) dan perjamuan kudus(1 Kor11:23-28 ; Yoh.17:23 ; Mat.26:26-29).
Arah enda si idah maka “Ibadah” kalak si tek eme arah erina dampar kegeluhenna, labo terjang kebaktin-kebektin siaturken gerejanta. Tupung kita ngikuti kebaktin i gereja maka kita arus mehamat man Tuhan, ula kel mekarus. Si ikutilah kerina perdalanen liturgi benana nari seh kedungenna.

Khusus i bas kebaktin-kebaktin maka perlu sijaga kiniaturen ras ketenangen si ncidahen maka kita mehamat man Dibata. Persikapennta ibas ngikuti kebaktian e pe ncidahken kerna ketutusen ateta muji ras mpermuliaken Dibata. La mekarus janah la erdua ukur. Megati kita banci ipengaruhi kalak si deban ras kemajun jaman enda. Umpamana sanga kebaktin e kita er-FB, WA, Selfi rsd. Ula sia-siaken waktunta, gegehta ras sennta reh ersembah ku rumah pertoton tapi la kita jumpa ras Tuhan erkiteken la sipuji ras sipermuliaken. Emaka marilah sipuji Dibata si Mulia arah ketutusenta ersembah man Dibata ras kerina dampar kegeluhennta.

Evaluasi:
Turiken penggejapenndu kerna aksi minggu si lewat.

Diskusi :
  1. Kai nge sinjemba ita sedekah enda i bas ersembah mand Dibata ?
  2. I bas kebektin Minggu , siikuti nge pemena nari seh ku kedungenna? Turikenlah !
Aksi :
I bas teptep kebaktin siniaturken gereja, usahaken reh sope ibenaken kebaktin janah mulih kenca dung kebaktin.

Usulen Lagu:
  1. KEE GBKP NO. 354 : 1 – 3
  2. KEE GBKP NO. 338 : 1 – 2
  3. KEE GBKP NO. 16 : 1 – 2
  4. KEE GBKP NO. 420: 1 – 2

Belum ada Komentar untuk "Ipuji Kami GelarNdu Si Mulia"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel