KEE 102 Kekekenlah O Kam Si Tutus



 KEE No. 102 : 1-5 ( Kekekenlah O Kam Si Tutus )

Ayat 1 :
Kekekenlah o kam si tutus,
Si malang pe man Tuhan Dibata.
Si suari berngi sikap rusur,
Ngarakken Tuhan ‘bas si mesera.
Si pang ngikutken Tuhan Yesus pe,
Bagi ngena me ate Tuhan e,

Ayat 2 :
Ota darami si nggo nilah,
Taruhkenlah ku dalin pinter ka.
Gelah perdosa k’rina robah,
Jenari ngikut Anak Dibata.
Si lajang-lajang pe daramilah,
Ku rumah Bapa k’rina min gelah.

Ayat 3 :
Melala denga siat jelma,
Ingan Bapanta longge ras embas.
Ku serpang-serpang dahi k’rina,
Legi si langa pe meteh kubas.
Lah rumah Bapa dem me pagi min,
GelarNa ras lalap man pujin.

Ayat 4 :
O, Tuhan b’re man kami k’rina,
KesahNdu si Badia simpar min.
I jenda kami sikap k’rina,
Endalanisa nge si man dahin.
Tah katawari pe erkata Kam,
I jenda kami, suruhlah Tuhan.

Ayat 5 :
B’re Tuhan, maka doni raslah,
Megiken KataNduna lampas min.
Makana bangsa-bangsa nembah,
Man Yesus Kristus, Raja surga kin.
Ibas adep-adepenNdu Tuhan,
Perpulung pagi k’rina kami kang.

Sinusurkenca Pdt. J. H. Neumann





Belum ada Komentar untuk "KEE 102 Kekekenlah O Kam Si Tutus"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel