KEE 302 Nginget Perkuah Dibata Simbelin


KEE No. 302 : 1-3 (Nginget perkuah Dibata si mbelin)

Ayat 1 :
Nginget perkuah Dibata si mbelin
Si isehkenNa man banta k’rina kin
Ibas kerina dampar kegeluhen
I doni si dem alu keguluten
Reff :
Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa

Ayat 2 :
Sabab bage me arusna kita kin
Ersembah man Dibatanta si mejin
Si nggo m’reken man banta manusia
Keg’luhen si mehuli ras badia
Reff :
Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa

Ayat 3 :
Marilah k’rina sipuji Dibata
Janah sipeteruk ka pe ukurta
Alu bage si dat sura-suraNa
Kai si mehuli ras ngena ateNa
Reff :
Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa



Lagu & Syair : Abdi Jaya Barus, 2003

Belum ada Komentar untuk "KEE 302 Nginget Perkuah Dibata Simbelin"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel