KEE 5 Perkuah Ate Tuhan


KEE No. 5 : 1-3 ( Perkuah Ate Tuhan )

Ayat 1 :
Perkuah ate Tuhan lalap man pujin
Ras kebenarenNa mekap ku pebelin
Ku ‘teh peratenNdu kin labanci masap,
JujurenNdu tetap la mobah rasa lalap
E desken langit si ‘nteguh la mugur ugur
Bage kepeken Kam, tetap Kam ibas bujur

Ayat 2 :
Sangapna kalak si megi pedahNdu e,
Dalinna ibas t’rang ukurna la ndele
Atena enggedang meriah iakapna,
Tah mesera denggo itehna Kam Bapana
La guling ia kap la celus pe nahena
KinibujurenNdu peb’linca seh matena

Ayat 3 :
Kam penundalenku ras pematangku kin,
LiasNdu si mbelin meparas man pujin
Perban Kam erkeleng ngenehen kami enda,
E tahan kamikap aminna gulut gia.
‘Di ngampang-ngampang kin ‘di ijaga Dibatanta,
Kai kebiarenta si nampat kap Bapanta

Sinusurkenca Pdt. M. Joustra

Belum ada Komentar untuk "KEE 5 Perkuah Ate Tuhan"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel