Kewirausahaan ( Enterpreneur ) Si Mereken Pasu-Pasu Man Kalak Si Deban


Bahan PA Mamre GBKP 24 Februari 2019 - 02 Maret 2019
(Enterpreneurship & Revolusi Mental)

Ogen : Kejadin 13:1-13

Tema : KEWIRAUSAHAAN (ENTERPRENEUR) SI MEREKEN PASU-PASU MAN KALAK SI DEBAN

Tujun Gelah Mamre :
  1. Ngusih karakter Abram i bas ndalanken enterpreneurship
  2. Ndalanken sada perobahen karakter guna jadi pasu-pasu man kalak si deban ( la guna dirina saja tapi berdampak positif )
M e t o d e: Drama/lakon

Sehubungen ras tahun program GBKP 2019 kerna Kewirausahan S (Entrepreneurship) si enggo pe si cakapken i bas PA-nta sebelumna, ateta khusus PA minggu enda kita ngerana kerna Entrepreneurship i bas hubungenna ras masalah perubahan karakter, gelah Mamre lit kelebihenna i bas berwirausaha eme entrepreneur secara rohani.
Arah PA-nta sendah Mamre iajuk gelah nggejap maka entrepreneur enda labo pelin-pelin kerna ncakapken kai upayanta guna meningkatken ekonomi saja, tapi terbagesen mpeturah kesadarenta maka kita Mamre punya paradigma baru i bas berwirausaha. Paradigma baru e eme ngusih karakter Abram i bas perbahanenna nandangi Lut. Jadi iarapken lit min sada revolusi mental i bas setiap Mamre.

URAIAN TEKS/TAFS1REN
Lut eme anak Haran senina Abram si tading ras Abram kenca Haran mate. Selaku anak senina Abram, lut pe lit baginna i bas warisen bapana. Tapi erkiteken karakter Lut si ndauh berbeda ras Abram dungna i tawarken Abram man Lut kerna pembagin ingan/wilayah. Karakter Lut eme nggit rubati, kasar ras egois (ay.7,8) = terjadi perubaten permakan Lut ras permakan Abram enggo saling berebut wilayah; sementara karakter permakan Abram ras Abram sendiri eme pencinta damai (la nggit rubati) asangken materi, ia sekalak si tuhu-tuhu matang kerohaninna, lebih asa si e Abram la menggantungken geluhna ku bas materi tapi tek ia maka Tuhan si erdahin ras sinepati janjiNa.

Salah sada contoh karakter Lut si la mehuli umpamana: secara etika/budaya timur, Lut ngudan asangken Abram bapa tuana. Arusna kin maka ipersilahkenna bapa tuana lebe milihsa. Tapi enda me bukti karakter Lut si rangap/materialistis (ay.10.11). pilihen Lut pe mendukung karakterna si materialis ija ia milih wilayah lembah Jordan, deherken Sodom. Bage me Lut ringan deherken Sodom siterkenal kota si dem hura-hura, kota si la ermoral, termasuk ndehara-ndehara la ngergai perbulangenna; kota si dem kecongkakan, homoseks ras la nggit nampati kalak susah (bdk. Esek. 16:49-50). Salah sada si idah karakter ndehara-ndehara kalak Sodom eme arah kejadin ija ndehara Lut salih jadi tunggul sira erkiteken la megiken ranan perbulangenna ras erkiteken mengga atena erta si arus itadingkenna.

Sementara karakter Abram eme lebih ngutamaken hubungen kekerabaten asangken materi, ia sekalak si tuhu-tuhu matang kerohaninna, lebih asa si e Abram la menggantungken geluhna ku bas materi tapi tek ia maka Tuhan si erdahin ras sinepati janjiNa.

Ayat 8,9. E maka nina Abram man Lut, "Setangke denga kap kita la mehuli adi rubati suruh-suruhenku ras suruh-suruhenndu. Simehulina siranglah kita. Pilih mbalmbal siarah apai kin atendu. Adi kam kempak kawes aku kempak kemuhen. Adi kam kempak kernuhen aku kempak kawes".


APLIKASI
Payo maka kita Mamre arus ergaul ras kerina kalak; tapi kita pe arus ka njaga ras ngasup nirangken kalak si karakterna la mehuli gelah ola kita ilangketina. Lit pepatah ngatakenca; 'Katakan siapa teman anda, maka saya akan mengatakan siapa anda'. Arah pepatah enda tersirat sada pesan man banta maka bergaul banci saja ras ise pe, tapi adi karakter temanta e la mehuli arus ka nge si sirangi gelah ula kita salih. Tahun program gerejanta 2019 terkait ras nats Kejadin ras tema, ngingetken man banta Mamre GBKP enda:
Mari sitingkatken semangat ber-entrepreneur erpalasken iman (kiniteken Kristen); alu ngakui maka: Dibata e kreator si tetap erdahin seh genduari. Umpamana adi lit denga genduari Mamre hanya ngandalken/ngarapken erta warisen (tading-tadingen), pola pikir (mindset) si bage lanai layak. Guna si e me iperlukan kesedian/kesiapen Mamre GBKP lebih gigih, disiplin, ulet gelah terjadi perubahan/revolusi mental Meningkalican jiwa kewirausahaan (entepivneurship)warga GBKP dalam bidang ekonomi, serta kepedulian terhadap kesehatan dan lingkungan. 15 menit ope ibenaken PA ipilih piga-piga Mamre (banci lebih dari 2 kalak) si melakonken pribadi Abram ras Lut jenari berdialog ayat 8-11 rikut pe pengkenai/aplikasi i bas bimbingen PA enda. Kenca dung drama/lakon, pendamping PA mereken kesimpulen.

Usulan Ende-Enden
  1. KEE GBKP No 386: 1-3      ( Klik Link Untuk Melihat Lagu )
  2. KEE GBKP No 324: 1-3      ( Klik Link Untuk Melihat Lagu )
  3. KEE GBKP No 350: 1,2, 4  ( Klik Link Untuk Melihat Lagu )
  4. KEE GBKP No 307: 1-3      ( Klik Link Untuk Melihat Lagu )
Pdt. Hermanto Tarigan, M.Th 
Pendeta Mamre GBKP 
HP. 081396050383

Belum ada Komentar untuk "Kewirausahaan ( Enterpreneur ) Si Mereken Pasu-Pasu Man Kalak Si Deban"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel