Cawir Metua Lirik Teks Lagu


Cawir Metua Lirik Teks Lagu Oleh Usman Ginting atau Jovri Tarigan

Adi daging go metua Rukur ola sisada
Enterem teman arih Ola baba sisada
Kuidah tutundu belo Puyu-puyundu bako
Tertande bas tiang sapo Natap aku megogo

Cawir kel kam metua nande Labo la sigegehi
Bage denga nge maka banci
Kami krina anakndu Deba labagi ukur
Baleng-balengi agi rukur

Kuinget masa marenda Mulihta juma nari
Ranting pe iberkisi Kuarakken pudi nari
Maler panasndu e Rikutken iluh e
Ngepkep kami anakndu Nande ningku nande

Labo lit sinampati gia ateta mesui
Bage denga nge maka banci
Berat siman jilenken lalap la erkedungen
Oh nandeku ula man morahen

Tangis kel aku sisada Nginget aku la megiken kata
Aloi min aku aloi ula atendu mesui
Aku pagi ingandu metua ibas susah senangna geluhta
Terjeng bage ngenca ngasupku nande morah ula morahi



Belum ada Komentar untuk "Cawir Metua Lirik Teks Lagu"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel