KEE 111 Ola Atendu Ceda Min


KEE No. 111 : 1 - 4 ( Ola Atendu Ceda Min )

Ayat 1 :
Ola atendu ceda min
Teklah ibas Dibata
AnakNa Yesus Tuhan e
Erkata kap man banta
“I rumah Bapambas me kap
Enterem siat ringan ke”
Ku je, ku je,
Kam lawes gelah min

Ayat 2 :
Sikapkenlah ukurndu min
Ndengkehken pendiloNa
Yesus Kristus Tuhanta kap
Erkata g’lah kam sikap
Nggo sai utang dosandu e
Igelar Tuhan Yesus e
Nggo sai, nggo sai
Utang dosandu e

Ayat 3 :
Ola atendu ndele min
Iban dosandu mbue
KataNa ola simbak kin
Begiken pendiloNa
Yesus Tuhanta ndilo kam
Pedasken gelah berkat min
Ota, ota
Ku surga lawesta

Ayat 4 :
Dage kuga ukurndu e?
Ras kita gelah berkat
Ku keriahen surga e
Ku kesenangen lalap
Sipujilah Tuhanta e
Iban lias ateNa kap
Ku jem, ku jem
Keleng atena nge

Sinusurkenca Gr. Ag. N. Sinuraya

Belum ada Komentar untuk "KEE 111 Ola Atendu Ceda Min"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel