KEE 201 Malem Ate Tuhu-Tuhu


KEE No. 201 : 1 - 4 ( Malem Ate Tuhu-Tuhu )

Ayat 1 :
Malem ate tuhu-tuhu
Siernalem man baNdu
Kam Dibata si ‘njadiken
langit ras doni enda
Sal-saliNdu pusuh kami
Maka t’rangNdu tergejap
Kalak si tek la kap bene
‘Ban kelengNdu e tetap

Ayat 2 :
Matawari, bulan, bintang
Kam nepasa jadi t’rang
Doni enda dem isina
Labo kai pe si kurang
K’rina si erkesah gia
Nggeluh i doni enda
Bagi si ngerana nina :
“Kam Tuhan si Madasa”

Ayat 3 :
Tetap kuakuken IA
Ibas kinitekenku
Kam me ngenca si mbelinNa
Kusembah bas geluhku
Yesus Kam nggo mate jine
Man penebus dosangku
Tetaplah min aku dage
Ibas geluh si mbaru

Ayat 4 :
Aloken Kamlah o, Bapa
Kuendesken geluhku
KesahNdu min ngajarisa
Lah kuteh nembah baNdu
Pasu-pasu min kerina
Daging, ukur, tendingku
Gelah arah tan ras kata
Ipujina gelarNdu

Sinusurkenca Panitia Ende-Enden GBKP 1979-1984

Belum ada Komentar untuk "KEE 201 Malem Ate Tuhu-Tuhu"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel