KEE 224 Ise Ndia Kalak Enda


KEE No. 224 : 1 - 6 ( Ise Ndia Kalak Enda )

Ayat 1 :
Ise ndia kalak enda
Rembak ras Tuhanta e
Irudangi kuidah k’rina
Janah ersinalsal pe
Ralep-alep k’rina je
Rende muji Tuhan e
Ralep-alep k’rina je
Rende muji Tuhan e

Ayat 2 :
Kalak e ‘nggo itebusi 
Alu dareh Yesus e
Tuhan saja si terpuji
Ban keleng ateNa pe
Tuhan ngepkep k’rina e
Rembak lalap rasSa je
Tuhan ngepkep k’rina e
Rembak lalap rasSa je

Ayat 3 :
Kesuhsahen inanami
Paksa ibas doni e
Sui ate iakapi
Seh ku kesenangen e
Kalak si ‘nggo je kepe
Sangap me akapna pe
Kalak si ‘nggo je kepe
Sangap me akapna pe

Ayat 4 :
K’rina ia m’riah rende
Muji Tuhan Yesus e
Terbegi sorana tangkas
‘Rbanca ate ‘nggo melas 
Siniayakina e
‘Nggo jumpasa k’rina je
Siniayakina e
‘Nggo jumpasa k’rina je

Ayat 5 :
Lanai kapen seh man banta
Kesuhsahen doni e
Lanai jumpa ibas surga 
Si nuhsahi kita pe
Kuasa doni masap kap
Sitik pe lanai gejap
Kuasa doni masap kap
Sitik pe lanai gejap

Ayat 6 :
Tuhan Dibatanta kapen
Si ‘rban ukur malem nge
Yesus jadi pengarapen
Maba ku bas surga e
E ‘nggo sangap k’rina je
La lit kebiaren pe
E ‘nggo sangap k’rina ke
La lit kebiaren pe

Syair dan Lagu : S. Tarigan, 1997
Erpalasken : Ende-enden GBKP No. 87





Belum ada Komentar untuk "KEE 224 Ise Ndia Kalak Enda"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel