KEE 247 Ipasu-Pasu Tuhan


KEE No. 247 : 1 - 3 ( Ipasu-Pasu Tuhan )

Ayat 1 :
Ipasu-pasu ni Tuhan Dibatandu
Kam si dilaki bage pe si diberu
‘Di Tuhan Yesuslah tetap temuendu
Gedang geluhndu la kam ermedu-medu
Itadingkenndu me kap orangtuanta
Segelah tumbuk ersada kam duana
Adina enggo persadaken Dibata
Lanai arusna isirangken manusia

Ayat 2 :
Si kelengina kin tetap ndeharana
Keleng atena badanna ka pe tole
Dagena ola merampus kam kempaksa
Madin persada gelah ukurndu jine
Dage ikutken kata perbulangenndu
Perbahan ia nge kap pengulu jabu
Gelgel mehangke dingen tegel ukurndu
Tentu jabundu pe tetap nge erluhu

Ayat 3 :
Dame ni Kristus min ringan bas pusuhndu
Si ngerajaisa perlangkah ras perlagu
Si ’ngkawalisa dingen si masu-masu
Alu bage nge maka malem atendu
Tutus dagena lawes ku perminggun
Bage pe tampak kam reh ku perpulungen
Emaka Tuhanlah jadi penggurunndu
La banci lang ! Lalap ersinalsal jabu

Syair dan Lagu : S. Tarigan, 1996

Belum ada Komentar untuk "KEE 247 Ipasu-Pasu Tuhan"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel