KEE 268 Enggo Ndeher Me Kedungen Zaman


KEE No. 268 : 1 - 6 ( Enggo Ndeher Me Kedungen Zaman )

Ayat 1 :
Enggo ndeher me kedungen zaman
Reh t’remna si la malang man Tuhan
Kekelengen enggo reh bergehna
Kalak jahat lalap reh tambahna

Ayat 2 :
La bo lit senangna i bas perang
Lit kap talu gia lit si menang
Cedana mesangat murde k’rina
Gulut kap ukur la lit jorena

Ayat 3 :
Keke ka kepeken Nabi palsu
Tempana kuasa Tuhan ras ia
Babaina seh kalak kena tipu
Si ngikutken ia benekenNa

Ayat 4 :
Lit ka pe turah mara kelesa
Ngamuk ka linur reh nega-nega
Pangan pe muatsa seh serana
Em tanda kedungen zaman enda

Ayat 5 :
Enterem pagi lit kalak murtat
Nadingken Tuhan Juru Selamat
Ndalanken jahat akapna megah
Pergeluh pe lanai bo erpepah

Ayat 6 :
Sikaplah kita dingen erjaga
Labo kap sieteh ndigan paksana
Tuhan e rempet reh ndahi kita
Tetaplah patuh dingen setia

Lagu / Syair : R. Sembiring (2005)

Belum ada Komentar untuk "KEE 268 Enggo Ndeher Me Kedungen Zaman"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel