KEE 343 Pasu-Pasu Bas Tuhan Nari


KEE 343 No. 1 - 3 ( Pasu-Pasu Bas Tuhan Nari )

Ayat 1 :
Pasu-pasu bas Tuhan nari,
gejapken kami tep-tep wari,
bas paksa geluh, kami,
Kam me kap tetap si'ngkawali.
Pasu-pasu bas Tuhan nari,
jadi pergegeh tendi kami,
guna ndalani wari-wari,
si rehna bas Kam Tuhan nari.
Reff :
Pasu-pasu dage o Tuhan,
persembahen kami anakNdu,
labo ka pen enda metunggung,
persembahen si 'nggo pepulung,
ajariNdu min kami gelah min,
tetap ngasup mere man Tuhan

Ayat 2 :
Buaten lit kami o Bapa,
gejapken kami Kam empuna,
Tanda ukur kami meriah,
endesken kami baNdu Bapa.
Persembahen enda o Bapa,
desken bunga ncole merimna,
Persembahen ateNdu ngena,
bagelah akapNdu o Bapa
Reff :
Pasu-pasu dage o Tuhan,
persembahen kami anakNdu,
labo ka pen enda metunggung,
persembahen si 'nggo pepulung,
ajariNdu min kami gelah min,
tetap ngasup mere man Tuhan

Ayat 3 :
Aloken min dage o Tuhan,
persembahen kami anakNdu,
Labo ban beluh kami Tuhan,
lako mere kuadepenNdu.
Pakeken min dage o Tuhan,
persembahen kami anakNdu,
Guna pebelangken kataNdu,
nandaing k'rina tinepaNdu
Reff :
Pasu-pasu dage o Tuhan,
persembahen kami anakNdu,
labo ka pen enda metunggung,
persembahen si 'nggo pepulung,
ajariNdu min kami gelah min,
tetap ngasup mere man Tuhan

Lagu : Julianus Limbeng, Juli 2009
Syair : Julianus Limbeng & Pdt. Ita Natalia Kacaribu

Song Leader :  Moria


Song Leader : Mamre



Belum ada Komentar untuk "KEE 343 Pasu-Pasu Bas Tuhan Nari"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel