KEE 37 Pemenana Si Tersengget


KEE No. 37 : 1 - 4 ( Pemenana Si Tersengget )

Ayat 1 :
Pemenana si tersengget,
Dungna kap mehuli ka.
Em perbahan Dibatanta,
Bas AnakNa si ngena.
PerukurNa kap ganjangen,
La kap lit si man pandangen,
PerbahanNa pe ulin,
Amin la si gejap kin.

Ayat 2 :
PerdalinNa la terambang,
SehkenNa seh dungna pe.
Tama guna la teralang,
Tama pujienNa pe.
Nggit terluda pe ukurndu,
Nggit pe gulut perukurndu.
Tapi ‘di megenggeng kam,
Pulah kap kiniseran.

Ayat 3 :
Pemenana pe ras dungna,
Ibas tan Dibata kap.
Susah ukur la erguna,
Tangis pe la ergejap.
Asakai benaken Bapa,
Nggit meriah, nggit me mara.
Tek lah dungna k’rina e,
Tama kesenangen pe.

Ayat 4 :
Dage ola beber ate,
Tupung reh si mesera.
Piher ukur tetap ate,
Lalap nindu : “O Bapa!”
Sabab si so kesenangen,
Jadi pagi kemenangen.
Maka ngaku dungna kam,
Pelepas Dibata ‘rban.

Sinusurkenca Pdt. J. H. Neumann

Belum ada Komentar untuk "KEE 37 Pemenana Si Tersengget"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel