KEE 38 Kam Si Erceda Ate Mari


KEE No. 38 : 1 - 4 ( Kam Si Erceda Ate Mari )

Ayat 1 :
Kam si ‘rceda ate mari,
Itenahken Tuhan kam.
Nggit lepas paksa na kari.
Adi melawenca kam,
To jeralah, robah min,
Banci kam la malem kin?
Tuhan Yesus ndilo kam.

Ayat 2 :
Tah nggo luka ban dosandu?
Yesus Penawarta kap.
Pindo baNa tambar tuhu,
Lah mejuah-juah kam.
Ola mela dahilah,
Yesus si melias kap.
Tuhan Yesus ndilo kam.

Ayat 3 :
Ola nindulah : “Mbelinca,
La tersasap dosa e”.
Dareh Tuhan nasapkenca,
Salangsai utangndu pe.
Ola simbak dahilah,
Ban Tuhanta kam pulah.
Tuhan Yesus ndilo kam.

Ayat 4 :
Tambah keriahen surga,
‘Di kam reh e robah ka.
Rende malekat kerina :
“Lit ka sada si jera”.
Ola lawan Kesah e,
Si ngiahken kam ku je,
Tuhan Yesus ndilo kam.

Sinusurkenca Pdt. J. H. Neumann

Belum ada Komentar untuk "KEE 38 Kam Si Erceda Ate Mari"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel