KEE 41 Kuga Perbahan Kami


KEE No. 41 : 1 - 7 ( Kuga Perbahan Kami )

Ayat 1 :
Kuga perbahan kami,
Metunggung ngadap Kam?
O, Raja surga, doni,
Si mada kerajan.
Sagani ibas kami,
Tendang KesahNdu e.
Lah payo isipati,
Singena ateNdu e.

Ayat 2 :
Nggo kami ngenanami,
Kuasa ilat e.
Reh Kam nebusi kami,
Nangtangi kami pe.
Idah Kam si musil,
Mereken kemulian.
Lah si medung tampil,
Ku surga iban kam.

Ayat 3 :
Gelah man kami dame,
Reh Kam ku doni e.
Nadingken kemulianNdu,
Ras jadi musil pe.
Ibas tanemen nari,
‘Bas mara kek’lesan.
Iangkat Kam kap kami,
Kubas kemulian.

Ayat 4 :
Dagina ola mbiar,
La nggine ukur pe.
Tuhanta nimbak k’rina,
Ngangkatken kita pe.
Reh Ia kap ku jenda,
AteNa erkeleng.
Pelawes imbang k’rina,
Si ngupuh kita nge.

Ayat 5 :
Reh ngukum Ia gia,
Si nimbak lalap kap.
Buen lias ateNa,
Man Kalak si jera.
Oh, rehlah, rehlah Tuhan,
Legi anakNdu min.
Ku rumah Bapa surga,
Ijem lit pengadin.

Ayat 6 :
Kernana dosanduna,
Olanai aru kam.
IpelasamNa k’rina,
Lanai meluat kami.
KerehenNa melias,
Penawar Ia kap.
Masapken bisa doni,
Lah dosa k’ri lesap.

Ayat 7 :
Keleng ateNdu kapen
Si nuruh nusur Kam
Nadingken Bapa surga
Bengket kemanusian
Pujin, pujin man baNdu
O, Raja kami e
Isehken kami runut
Seh rasa lalap pe.

Sinusurkenca Pdt. J. H. Neumann

Belum ada Komentar untuk "KEE 41 Kuga Perbahan Kami"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel