KEE 44 Endesken Min Kerina


KEE No. 44 : 1-6 ( Endesken Min Kerina )

Ayat 1 :
Endesken min kerina,
Kesusahenndu e.
Man Dibatanta Yahwe,
Melias Ia pe.
Tuhan si metehsa,
Pertibi ras surga.
Adi Tuhan ras kita,
Tetap me ukurta.

Ayat 2 :
Ngarap aku man baNdu,
O, Yahwe Dibata.
I je man bangku tuhu,
LiasNdu cukup ka.
E la kap lit gunana,
Amin kelsehen kam.
Ertoto me dalanna,
Gelah terapul kam.

Ayat 3 :
Dibata si perkuah,
ItehNa k’rina nge.
Si bujur ras la tengka,
Ibas ukurta e.
Si ngena jujurkenNa,
Man banta rusur pe.
Pedauh si la tengka,
Lah kita la bene

Ayat 4 :
Ernalemlah man baNa,
Man Dibata e!
Tadingken k’rina dosa,
Ras ceda ate pe.
IpersanNa me k’rina,
Keberatenndu e.
Pedas isampatiNa,
Ngangkat susahndu e.

Ayat 5 :
B’re min ipesikapNa,
Lagu langkahndu e.
Kepentaren ukurNa,
Njujurken k’rina e.
Tondel kin nge ukurNa,
Lako mulahi kam?
Je ipetangkaskenNa,
GegehNa e ku kam.

Ayat 6 :
Kam me o, Tuhan kami,
Pengadi k’rina min.
Si nggit nuhsahi kami,
Ras si ngulahi kin.
Sehlah min kubas tanNdu,
Kerina kami e.
Ku surgalah teguNdu,
Min tendi kami e.

Sinusurkenca Gr. Ag. N. Sinuraya

Belum ada Komentar untuk "KEE 44 Endesken Min Kerina"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel