KEE 49 Bagi Perhuma Nimai Nari


KEE No. 49 : 1 - 5 ( Bagi Perhuma Nimai Nari )

Ayat 1 :
Bagi perhuma nimai nari,
Bekas latihna merdang pe.
Bagepe pe si timai kap wari,
Makana seh sipatta e.
Lah kiniteken ola masap.
Inganta jenda la tetap.
Lah ingan pagi min siakap,
Nggo deher ku bas kita kap.

Ayat 2 :
Ras K’ristus kita pagi lalap,
Lanai kap kesusahen je.
Ku je tetap min kita ngarap,
Si ngarap e jumpasa pe.
La ndauhsa nari perjumpanta,
Ukurta min dage tetap.
Tetap ban lias ni Tuhanta,
Bekas dahin Golgota kap.

Ayat 3 :
Di tek kin, ‘rguna mamang rusur?
Ma kata Tuhan si tetap?
Nggo gia ukur kalak ‘rkusur,
Labo bage ukurNa kap.
Sabab la ‘rsibar kuasaNa,
Si nasa lit gelemNa nge.
Kai pe ateNa ibahanNa,
Sentudu ras kuasaNa pe.

Ayat 4 :
Ajaren pengarapen enda,
Netapken ate rusur nge.
Ncukupi kekurangen jenda,
Pelongge perukuren pe.
Ngajari nggengken ibas susah,
Nggegehi ibas pengujin.
Sabab di rapit lalap dosa,
Pengarapenta nampat min.

Ayat 5 :
E pengarapen kap man banta,
Temanta tare min ku das.
Man si ernalem man Tuhanta,
KiniseranNa la ‘rbekas.
O, kesenangen la ersibar!,
O, keriahen si tetap!
Janah lanai inget dalin lalar,
Jah jumpa ras Dibata kap.

Sinusurkenca Pdt. J. H. Neumann

Belum ada Komentar untuk "KEE 49 Bagi Perhuma Nimai Nari"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel