KEE 60 Bapa Si Perkuah Ate


KEE No. 60 : 1 - 9 ( Bapa Si Perkuah Ate )

Ayat 1 :
Bapa si erkuah ate
Tatap ku liahku e
Sabab aku narus mate
Bapa si erkuah ate
Tatap ku liahku e
Jore min lah la bene

Ayat 2 :
Kam si ngidah me jahatna
Si ni bas pusuhku e
Maka mekelek beratna
Kam si ngidah me jahatna
Si ni bas pusuhku e
Si ertambah-tambah pe

Ayat 3 :
Oh, geluhku me terambur
Ban bene ukurku e
Keriahen tertambur
Oh, geluhku me terambur
Ban bene ukurku e
Ras melala dosa pe

Ayat 4 :
Pertotonku ras iluhku
Bagi si la mentas pe
Tambah picet kal pusuhku
Pertotonku ras iluhku
Bagi si la mentas pe
Tempa pitut dalin e

Ayat 5 :
Reh bagesna kuorati
Ras bagesna kugejap
Manai aku tersampati
Reh bagesna kuorati
Reh jahatna kugejap
Talu nari aku kap

Ayat 6 :
Ngarap nari aku baNdu
Kam Penawar si tetap
Luah m’aku bekas tanNdu
Ngarap nari aku baNdu
Kam, Penawar si tetap
AjarenNdu bujur kap

Ayat 7 :
Kam Pematang kinituah
Si ngalemi dosa e
Bahan maka aku luah
Kam Pematang kinituah
Si ngalemi dosa e
Malem min ateku pe

Ayat 8 :
Tuhanku! Begi totonku
Aku seh tegulah min
La metunggung pemindonku
Tuhanku! Begi totonku
Aku seh tegulah min
Kam si tuhu pelimin

Ayat 9 :
Pengadi-ngadinku enda
Kam kap ‘bas mateku pe
E me pengarapen jenda
Pengadi-ngadinku jenda
Kam kap ‘bas mateku pe
Lanai mbiar aku e

Sinusurkenca Pdt. E. J. Van den Berg

Belum ada Komentar untuk "KEE 60 Bapa Si Perkuah Ate"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel