KEE 74 Perlawesku Kempak Pardis


KEE No. 74 : 1 - 4 ( Perlawesku Kempak Pardis )

Ayat 1 :
Perlawesku kempak Pardis
Je me Sion e
Ku gegehi me dagingku
Gelah seh ku je
Kasa abat bangku e
Kusilahken k’rina pe
Gelah seh me ku bas surga
Ingan senang je

Ayat 2 :
Nggo terbegi man tendingku
Sora rende je
Kupinterken me dalinku
Kubas ingan e
‘Di terpanto dalin e
Bene kap baginna je
Kutadingken, kutundalken
Si ngabati e

Ayat 3 :
O, Tuhanku sampat aku
‘Rdalin ndahi Kam
Bas latihku ngarap aku
Isampati Kam
Kam nggegehi ukurku e
Lah nundalken doni e
Bahan sangap, bahan pulah
Aku me kepe

Ayat 4 :
La aku ngasup la gegehku
Ng’lawan musuh
Tegu aku cikep tanku
Gelah seh me je
Bere gegeh bangku e
Kupinterken me aku je
Perdalinku kempak surga
Ingan lalap je

Sinusurkenca Gr. Ag. N. Sinuraya

Belum ada Komentar untuk "KEE 74 Perlawesku Kempak Pardis"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel