KEE 87 Ise Ndia Kalak Enda


KEE No. 87 : 1 - 8 ( Ise ndia kalak enda )

Ayat 1 :
Ise ndia kalak enda
Rembak ras Tuhanta e
Irudangi kuidah k’rina
Janah ersinalsa pe
Ralep-alep k’rina je
Rende muji Tuhan e

Ayat 2 :
Kalak e nggo itebusi
Alu dareh Yesus e
Tuhan saja si terpuji
Ban kaleng ateNa pe
Tuhan ngepkep k’rina e
Rembak lalap rasSa je

Ayat 3 :
Kesusahen inanami
Paksa ibas doni e
Sui ate iakapi
Seh ku kesenangen e
Kalak si nggo je kepe
Sangap me akapna pe

Ayat 4 :
K’rina ia m’riah rende
Muji Tuhan Yesus e
Terbegi sorana tangkas
‘Rbanca ate nggo melas
Siniayakina e
Nggo jumpasa k’rina je

Ayat 5 :
Lanai kapen seh man banta
Kesusahen doni e
Lanai jumpa ibas surga
Sinuhsahi kita pe
Kuasa dosa masap kap
Sitik pe lanai gejap

Ayat 6 :
Muas dingen kelehen
Tah pe kemusilen e
Susah pe ras kelatihen
Ngupuh ras penakit pe
K’rina upah dosa e
Lanai lit i surga e

Ayat 7 :
Tuhan Dibatanta kapen
Si ‘rban ukur malem nge
Yesus jadi pengarapen
Maba kubas surga e
E nggo sangap k’rina je
La lit kebiaren je

Ayat 8 :
Tuhan Yesus me Rajangku
Si erkuah ate e
Sasap me gelah dosangku
Tegulah min aku pe
Aku ras temanku pe
Bengket kubas surga e

Sinusurkenca Gr. Ag. N. Sinuraya

Belum ada Komentar untuk "KEE 87 Ise Ndia Kalak Enda"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel