KEE 348 Ersembah Perlu I Bas Doni Enda


KEE No. 348 : 1 - 7 ( Ersembah Perlu I Bas Doni Enda )

Ayat 1 :
Ersembah perlu ibas doni enda,
E desken bingke bas kegeluhenta.
Ersembah em pedah kata Dibata,
Pehaga Tuhan bas kegeluhenta.

Ayat 2 :
Isuruh Tuhan ‘lah ersembah
Peturah penggejapen si meriah
Kita diloNa ‘lah tutus min gelah
Ngajuk kerina teman reh ersembah

Ayat 3 :
Ersembah kita bas perpulungenta
Pehaga Tuhan si mada geluhta
Ersembah labo pesenang ukurta
Si sembah Tuhan ‘mpehaga gelarNa

Ayat 4 :
Ota si sembah Tuhan Dibatanta
Jadilah curmin ncidahken kataNa
Ola lupaken reh pulung kerina
Ola pesemal nadingken gereja

Ayat 5 :
Gereja eme kula ni Tuhanta
Ola cedaken bas lagu langkahta
Adi kin ia ncedai gereja
Dibata pagi metehsa kerina

Ayat 6 :
Ersembah labo si bagi ukurta
Kita diloNa mpehaga Dibata
Ersembah jumpa kita ras Dibata
‘rbahan geluhta mpehaga Dibata

Ayat 7 :
Ersembah em kap geluh tep-tep wari
Lagu-langkahta ncidahken mehuli
Mari ersembah Dibata si dahi
Cidahken ukur erbahan mehuli

Pdt. E.P. Ginting, 13 Februari 2002


Belum ada Komentar untuk "KEE 348 Ersembah Perlu I Bas Doni Enda"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel