KEE 470 Anem Gia Deleng Mundu - Undu


KEE 470 No. 1 - 2 ( Anem Gia Deleng Mundu-Undu )

Ayat 1 :
Anem gia deleng mundu-undu
Tah udan abu mehantu
Tetaplah ukurta ula mbiar
Lit kap Tuhan sinemani
Keleng atena labo erleka
Man kita krina anakNa

Anem mbue perbeben ngupuh
Tah geluh la bagi ukur
Pindo gegeh arah pertotonta
Man Tuhan simada geluh
PadanNa jine tetap man banta
Labo kita tadingkenNa

Pengasup kami dage o Bapa
Ngalaken ras ngalokenca
Kerina kecibal geluh enda
Perban liasNdu o Bapa

Ayat 2 :
Anem gia deleng mundu-undu
Ntah angin kalingsungsung reh
Gereja Tuhan la terundu
Tetap paguh rasa lalap
Keleng ateNa labo erleka
La ndigan pe tadingkenNa

Tangkas teridah penemaniNdu
Perdalanen gerejaNdu
GBKP si malem enda
Tetap pajek seh gundari
Lit gia turah perbeben
Krina banci i bentasi

Pasu-pasuNdu dage o Bapa
Gereja GBKP e
Gelah tetap ngasup ncidahken
KemulianNdu o Dibata





Belum ada Komentar untuk "KEE 470 Anem Gia Deleng Mundu - Undu"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel