Dibata Sinjadiken Manusia - Konfesi GBKP: Manusia ( Bahan PJJ 9 - 15 Februari )

Bahan Bimbingen Perpulungen Jabu-Jabu 9 -15 Februari 2020

( Konfesi GBKP: Manusia )

Ogen : Kejadin 2:7

7. Ibuat TUHAN Dibata sitik abu taneh ijadikenNa jelma; iembuskenNa kesah kegeluhen ku bas igungna, e maka mulai me jelma ndai nggeluh.

Pengakun penandai kerna Dibata bage pe penandai kerna dirinta ras tinepa si deban penting banta selaku kalak si tek man Dibata. Erkiteken si e me gerejanta GBKP terus erbebe "secara kontekstuar nuriken pengakun kinitekenta si tersurat i bas Pengakuan Iman (Konfesi) GBKP. Menaken tahun 2016, Konfesi GBKP si enggo lit bas gerejanta kenca itetapken i bas tahun 2015, terus sidiskusiken seh gundari. Janah bas minggu enda, salah sada i bas 16 Bab Konfesi nta e eme Bab IV kerna Manusia, jadi oraten sekaligus renungen i bas PJJ nta enda.

I bas Konfesi nta BAB IV MANUSIA, ikataken:
Kami percaya bahwa:

Manusia adalah ciptaan Allah yang segambar dengan Allah, laki-laki dan perempuan dengan martabat yang sama (Kej. 1:26-27). Manusia diperlengkapi oleh Allah dengan hikmat dan akal budi serta dimahkotai dengan kemuliaan, hormat, dan kuasa (Mzm. 8:6-7).
Manusia diciptakan dalam kesatuan tubuh, roh, dan jiwa yang harus dipelihara untuk kemuliaan Allah (Kej. 1 Kor. 3:16, 6:17-20; I Tes. 5:23; Yak. 2:26).
Manusia memiliki kehendak bebas dalam menanggapi anugerah Allah (bdk. Mat. 10:12-14).
Manusia jatuh ke dalam dosa disebabkan ketidaktaatan dan keinginan menjadi sama dengan Allah (Kej. 3:1-24; Rm. 5:12). Dalarn keadaan berdosa, manusia tidak memiliki kemauon dan kemampuan untuk bertemu dengan Allah (Rm. 3:10-18; I Kor. 1:18-31), sehingga manusio menjadi seteru Allah yang layak mendopat hukuman kekal.
Manusia dapat kembali bersekutu dengan Allah hanva melalui Jesus Kristus (Yoh. 14:6, 11:25, 3:16).

Sue ras tema PJJ nta "Dibata Si Njadiken Manusia", arah konfesi nta Bab IV e fokus ta eme poin sipeduaken erpalasken ogenta Kejadin 2:7. I bas Pustaka Si Badia, lit dua versi turi-turin kerna penciptaan, sipemena i bas Kejadin 1:1-2:4a janah sipeduaken eme Kejadin 2:4b-25. Dua versi enda rehna i bas dua kelompok sinuratken si berbeda jaman. Salah sada perbedanna eme i bas versi sipemena (Kej.1:1-2:4a) manusia ijadiken Dibata sebage tinepa/mahluk si pepudi, sedangken i bas versi sipeduaken manusia me mahluk sipemena ijadiken Dibata. Si penting irenungken arah duana turi-turin Dibata nepa si nasa lit eme manusia e lit labo bage-bage saja tapi erkiteken lit si njadikenca eme Dibata. Manusia ijadiken Tuhan erpalasken peratenNa jine. Manusia ijadiken arah abu taneh (cakap Heber: adomoh), i bas Kejadin 2:7, icidahken keterbatasen manusia sebage tinepa (ciptaan) si mbedakenca ras Dibata si Nepa (Pencipta) si la erbatas. Kata 'ijadiken arah abu taneh' situhuna nuduhken arah segi bentuk denga, tapi langa jadi manusia. Engkai, sabab langa lit isina abu taneh siibentuk Dibata e. Tapi kenca iembusken Dibata kesah kegeluhen ku bas igungna, emaka mulai me jelma ndai nggeluh. Ertina, adi la lit Kesah Dibata, manusia terjeng bentuk ngenca, tanpa isi. Adi la lit Kesah Dibata, rnanusia abu taneh ngenca: la ergegeh ras meteruk. Kesah Dibata e me kesah kegeluhen, ngubah abu taneh si kote ras nukah perper jadi tuhu-tuhu manusia, dem alu gegeh ras semangat kegeluhen.

Alu pengangkan enda, selaku manusia siijadiken Dibata, oratna sisembah Dibata tandana sisedari kita enda tinepaNa. Nina Augustinus, sekalak Bapa gereja, "Ciptaan itu sifatnya fana atau tidak kekal tetapi Allah, Sang Pencipta adalah kekal, tidak pernah berubah. Oleh sebab itu hanya Allah di dalam Jesus Kristus yang layak kita sembah. Kesadaran manusia ialah untuk memujiMu dan hati kami tidak akan menemukan damai sampai beristirahat di dalam-Mu." Sicibalenlah geluhta alu tuhu-tuhu malang man Tuhan saja sabab IA sinjadiken kita emaka IA me ulu kegeluhenta. Ula min lit i bas kita kesempaten guna rukur ban kengasupen, kebeluhen, ntah ngaruhta nge maka kita nggeluh ras jore. Terlebih tupung erbage-bage perbeben si cukup mberat nderpa geluhta, tek dingen erpengendes kita man Tuhan saja si ngasup engkelini geluhta erkiteken Jesus Kristus kap Tuhan ras Juruselamatta. Adi kematen pe enggo italuken Jesus arah kekekenNa, tek kita ngasup ngalaken kerina perbebn geluh erkiteken kuasa siiberekenNa banta. Peteruklah dirinta i adepen Tuhan gelah kesah Tuhan, Kesah Si Badia, si minpin pusuh peratenta tetap ersukuten baNa arah persadanta ras TUhan subuk secara pribadi ntah pe keluarga bage pe arah kegiaten-kegiaten i tengah-tengah perpulungenta. Sehat pertendinta i bas persadan ras Tuhan, sehat ka me kula ras perukurenta. Nggehluh min kita alu ngergaken temanta manusia alu erpengakap maka kita seri, la siganjang teruhen sada ras si debanna. Bage selaku manusia siitepa Dibata alu akal pikiren, sibere dirinta ipake Tuhan lako njagai ras mpekena-kena tinepa si deban. Alu bage kegeluhenta manusia radu ras tinepa Dibata si deban, kerinanana kita lit dingen nggeluh alu mehuli man kemulian gelar Tuhan saja.

EVALUASI
Uga kerna aksi nta i bas minggu si lewat? Enggo me tambah kita ras isi jabuta ngoge Pustaka Si Bacfia teptep wari?

DISKUSI

Kuga nge kidekah enda pengangkanta kerna turi-turin kecibalta selaku manusia si nggeluh i doni enda adi ibandingken ras nas renungenta Kejadin 2:7 ndai? Turiken!
Kai nge si arus siilakoken tanda pengataken bujurta man Tuhan, erkiteken Dibata sinjadiken kita?

AKSI
Er-Paksa Teneng (Saat Teduh) dingen ngikuti kerina kegiatan perpulungen alu ratur ras ras isi jabunta.

USULEN LAGU

TOPIK PERTOTON SYAFAAT

Gelah kerina ngawan perpulungen GBKP nggeluh dem pengataken bujur sebage tinepa Dibata alu nembah man Dibata saja.
Gelah teptep ngawan perpulungen GBKP ras kerina kalak si tek man Kristus erpenalem man gegeh ras kuasa Tuhan saja ngalaken perbeben geluh.
Notoken kalak si ngandalken kuasa-kuasa gelap gelah jera dingen robah.

Pdt. Theodosius Keliat, M.Th.