Ndarami Dibata Alu Bulat Ukur - Mamre Center ( Bahan PA Mamre 16 - 22 Februari )

Bahan Bimbingen PA Mamre 16 - 22 Februari 2020

Mamre Center

Ogen : Jeremia 29:12-13

12. I je erlebuh me kam kempak Aku. Reh kam ndahi Aku dingen ertoto, janah Kualoi kam.
13. Idaramindu Aku janah jumpaindu Aku, erkiteken alu bulat ukurndu idaramindu Aku.

Tema : Ndarami Dibata alu bulat ukur

Tujun : Gelah Mamre

Nggejapken ketedehen atena eme ndarami Dibata
Ikut muat bagin ibas ngelitken Mamre Center

Metode : Diskusi

KATA PENARUH
Dasar pemikiren ngelitken Mamre Center GBKP (tahun 2010) e me :

Wadah pelayanan Mamre GBKP harus lebih modern, bermutu ras canggih sue ras kebutuhen perbapan bagepe kerina jelma.
Mamre harus mandiri ibas dana ras pelayanen e maka perlu badan usaha si tinggi prospek ekonomina sue ras kebutuhen jaman. Gundari hampir kerina perpulungen ras organisasi-organisasi, keluarga ras pribadi doyan retreat ras rekreasi.
Pelayanen Mamre GBKP lebih praktis, berkualitas ras menarik.
Nambahi aset GBKP

Emaka perlu sicakapken mbages ibas PAnta enda, si acuanna ibahan ku bas ogenta si nerangken kuga kin kalak si erlebuh, reh ras ndarami Dibata alu bulat ukur

URAIAN
1) Ogen enda e me bagin surat Jeremia man kalak Jahudi si enggo ibuang ku Babil erkiteken dosana. Gelah gia i ipembuangen tetap nerusken masa depanna alu semangat ras ndalanken kebenaren Tuhan. Ula erkiteken keadaan serba susah jadina bangsa e putus semangat. Masalah mbelin siihadapi bangsa e sierbahanca lemah e me :
- Lanai lit simpermakani Israel alu benar, justru enggo ndabuh ia kubas cengkeramen permakan jahat, sindarami untung arah dombana (ay. 3), bali kalak enda ras domba liar (ay. 2).
- Ia enggo ibas cengkramen kuasa asing (Babei) si la erkinitekren.

Emaka masalah kalak enda enggo santuk eme antara masalah ersada kekeringan rohani (kiniteken) erkiteken la lit simpermakani, ras masalah jasmani (ekonomi, social, politik) erkiteken itindas kuasa asing. Si tentuna masalah enda erbahanca ia ndauh ibas Dibata nari (bdk. Sakaria 10:1-3) Emaka nina Jeremia gelah tetap semangat mebangun masa depan, ula terpengaruh ku keadaan terlebih pengajaren kalak penipu si tentuna maksudna eme gembala-gembala sesat si la ertanggungjabab ndai. Nina : Adi enggo genap pagi 70 tahun reh Tuhan mulahi bangsaNa (mengadakan pemulihen).
2) Kuga sikap bangsa e ibas kerehen Dibata guna pemulihenna ?

Ay. 12 : si erlebuh ras reh dingen ertoto me pagi Israel ndahi Dibata....ije ialoi Dibata (12)
Ay. 13 : Sindaramindu ras njumpai Dibata alu bulat ukur jumpa me ras la.

APLIKASI
Me arah kita semangat mbangun ras ngelitken Mamre Center enda, e salah sada tandana lit sura-sura Mamre erlebuh, ndarami, reh dingen ertoto guna kemajun Mamre GBKP enda ras GBKP enda. Me eme situhuna implementasi kerehenta, perlebuhta ras pelayanenta man Tuhan. Nina Yesus : Adi siidah matandu pe lebo terkelengindu, kuga nindu ngkelengi Tuhan Dibatandu si la idahndu. Jadi usaha ntah perjuangenta guna kiniulin gerejanta ibas doni enda me e kin perjuangen kinitekenta man Tuhan. Perlu sieteh kai gunana nai irencanaken ibangun Mamre center enda si ibahan kami tahun 2010 (copy paste) eme :
1. Ngelitken Mamre Center
a. Gunana .
- Badan usaha
- Pusat pembinaan dan pelatihan
- Pusat Retreat
- Tempat penginapan dan pertemuan
- Tempat rekreasi

b. Fasilitasna si ilitken :
- Tempat retreat
- Pemandian alam
- Penginapan
- Ruang pertemuan
- Pusat pelatihan pertanian, peternakan, musik, CU, spiritualitas, rsd
- Kolam pancing
- Kedai kopi ras ruang politik (ingan ncakapken isu-isu siberkerkembang)
- Ruang musik & karaoke
- Perpustakaan
- Kantor Mamre
- Perumahan pegawai

c. Dasar pemikiren ngelitkenca : enggo ndai icantumken kami ibas kata penaruh. Bagem nai iukuri ndarami Dibata arah Mamre GBKP enda. Bicara sukses sibahan e me enggo pasti sue ras kata Dibata ibas ayat 14 ndai : terjadi pemulihen ras keselamaten man Mamre ras GBKP enda. Bujur

DISKUSI

Turiken pengangkanndu ngertikenca kerna : ...Erlebuh, reh dingen ertoto, ndarami Dibata alu bulat ukur ibas konteks memajuken Mamre GBKP enda khususna ibas mbangun Mamre Center enda.
Ban Geraken ibas PJJ, Runggunta, Klasista ras keluarganta guna partisipasinta ngelitken ras bangun Mamre Center enda sebaga aplikasi kira reh ras ndarami Dibata alu bulat ukur.

USULEN ENDE-ENDEN

Pdt. Seth Perangin-angin, M.Th

HP. 081397340320