PRT ( Perkunjungan Rumah Tangga ) - Jethro Sistem


Jethro Sistem
"Melibatkan sebanyak mungkin orang untuk tugas pelayanan, membagi tanggung jawab dengan orang lain."

Apakah Jethro Sistem?
  1. Jethro (Rehuellah) eme mertua Musa. Anak Jethro si gelarna Zipora jadi ndehara Musa tupung ia kiam i Mesir nari ku taneh Midian i Sinai (Keluaran 3:21-23). Kenca Musa jupa ras Yahweh ibas bentuk api, isuruhNa ia njumpai raja Paro, gelah banci bangsa Israel mulih ku kuta pengulihenna, eme Kanaan. Dungna, kenca bangsa Mesir ndatken 10 tulah, ibere Paro bangsa Israel ndarat i Mesir nari, ipimpin Musa.
  2. Sanga Musa ras bangsa Israel ibas perdalanen, ringan/erkemah i Sinai, Jethro reh ndahi Musa ras bangsa Israel.
Keluaren 18:13-27
Jethro mperdiateken kuga Musa mimpin ras ngerunggui, ndungi perkara-perkara si lit itengah-tengah bangsa Israel. Iidahna, maka Musa sekalak ibas mimpin ras ngurusi perkara bangsa Israel, mulai perkara sikitikna seh ku simbelinna.
Erkiteken si e, iajari Jethro Musa, kelana, kuga cara mimpin si lebih mehuli:
  • La mehuli adi idahiken dahin ngurusi jelma sibage teremna alu sekalak saja. Arus ibagi tanggung jawab ras kalak sideban. Latihsa ndahiken dahin sekalak saja.
  • Sebagai pemimpin simbelinna, tugas Musa eme jadi wakil bangsa Israel nandangi Dibata. Bagepe ngajarken kerina sura-sura ras perintah Dibata, kai saja si patut ilakokenna kerina.
  • Ndarami ras milihi jelma itengah-tengah bangsa bangsa Israel nari, kalak si pentar, erkemalangen man Tuhan, terteki ibas kai pe, bagepe kalak si la nggit ngaloken sogok ras la meduit.
  • Jadiken kalak si enggo terpilih e pemimpin man 1000 kalak, pemimpin 100 kalak, pemimpin 50 kalak, ras pemimpin 10 kalak.
  • Kepemimpinen si sifatna bertingkat, entah pe sistem sel, ibas kelompok yang paling kitik seh ku kelompok simbelinna, janah Musa sebagai pemimpin man kerinana.
  • Sebagai pemimpin simeganjangna, Musa la arus ngurusi perkara-perkara kitik, tapi radu ras pemimpin kelompok-kelompok e kerina mersan tanggung jawab.
  • Ibegiken Musa nasehat Jethro, janah idalankanna pe alu tutus, iangkatna enterem pemimpin kelompok, si igelari hakim-hakim itengah-tengah bangsa Israel. Musa cukup ndilo pemimpin-pemimpin kelompok e ibas nerusken perintah si arus idalinken.
  • Ndilo ras make se enterem mungkin kalak si pantas gunaertanggungjawab, eme cara si payo. La saja baban sebagai pemimpin reh nahangna, tapi pe lebih efektif.
  • Ibas mbue organisasi ibabo doni enda, ipake sistem sel sibagenda rupana bagi siniajarkan Jethro, janah ternyata cukup efektif / berdampak luas.
  • Ibas mengorganisir kegiaten-kegiaten Gereja, sistem Jethro enda pe ipakai, ibas jamanta enda mbue ipakai ibas gerakan-gerakan kharismatik
  • Ibas GBKP pe enggo ndekah sitandai sistem Jethro enda, si biasa igelari sistem PRT, Penggembalaan sini ilakoken sada team, eme Team PRT.
Perkunjungan Rumah Tangga
Perlebe
  1. Gerejanta GBKP langa ndalanken perkunjungan rumah tangga secara rutin, tapi lebih bersifat insidental, adi perlu saja, adi lit sakit entah pe situasi si khusus.
  2. Rikutken perkembangen jaman enda, siidah maka tantangan-tantangan kegeluhen reh beratna, si erbahanca persoalen kegeluhen reh buena.
  3. Erkiteken si e pelayanen perkunjungen reh perluna.
  4. Adi la silakoken, entah pe silupaken, kalak sideban kari ngelayanisa, janah lawes me anggotanta ku sideban.
Palas Perkunjungan Rumah Tangga :
  • Lako mpermakani biri-biri ni Dibata (Yoh.21:15,16,18)
  • Mendewasakan anggota perpulungen (Ef.4:11-16)
  • Si man sehenken ibas perkunjungen, labo perukuren sindahiken perkunjungen entah pe sini idahi, tapi perukuren Tuhan. Kerina sini ilakoken arus i nen erpalasken Kata Dibata.
  • Ibas perkunjungen labo erkhotbah, tapi ngerana kerna kecibal geluh si nyata.
Tujun Perkunjungan Rumah Tangga.
  1. Mpermakani, gelah ula papak ku bas pengajaren si la payo.
  2. Gelah biri-biri nandai permakanna, bagepe sebalikna (Joh.10:3-5,14). Pertua/Diaken ngeteh situasi kegeluhen perpulungen lebih mehuli.
  3. Si enggo ndekah la reh iajuk mulihken aktif (Mat.18:12-14)
  4. Melayani (Pelayanan)
    - Kata Dibata isehken sue ras situasi anggota si ikunjung, lako mpeteguhi kinitekenna.
    - Pelayanan pastoral: mpersingeti, menasehati, nampati anggota perpulungen ibas perbebenna.
  5. Membangun Jemaat / Perpulungen
  • ndarami potensi ibas jemaat si banci erguna man perpulungen (Roma 12:5, 1Kor.12:25).
  • mperdiateken anggota perpulungen.
  • mperlengkapisa alu Kata Dibata
  • mendidik anggota perpulungen jadi lebih missioner, lebih bersaksi ibas kegeluhenna.

Ise singelakoken PRT
  1. Sedekah enda lit pengakap maka singelakoken perkunjungen eme Pdt, Prt ras Dk saja.
  2. Pt/Dk,Pdt saja adi lit masalah si khusus, si la perlu ieteh sienterem
  3. Team PRT. Pelayan Khusus ras anggota perpulungen (2-3 kalak saja), ilitken ibas tiap terpuk
Ise si man kunjungen?
  1. Kerina anggota perpulungen secara bergiliran.
  2. Iban daftar skala prioritas, iutamaken si lit masalahna.
  3. Apai sipentingna kal, e lebe idahi, janah dungna kerina dat giliren.
Persikapen perkunjungen
  1. Perjumpan team secara rutin – pelatihan.
  2. Nentuken jadwal pekunjungen rutin, mungkin 1x seminggu entah 1 x dua minggu rst.
  3. Mpelajari latar belakang keluarga si man kunjungen (ope berkat).
Pembagian tugas ibas perkunjungen (ngerana rsd).
  1. Nentuken ingan ija nari berkat, ula jumpa ibas ingan si ikunjungi.
  2. Erban pertoton ope berkat.
  3. Erban evaluasi kenca perkunjungen.
Teknik Percakapen
  1. Usahaken suasana si akrab, ula kaku, gelah banci lebih terbuka.
  2. Ula gedang ngerana, tapi lebih sabar megi-megi. Ngerana ngarahken percakapen saja.
  3. Ula bersikap mengadili ras nalahken.
  4. Penuh perhatian, ula acuh.
  5. Nggejapken penggejapen simada jabu
  6. Adi la terdungi masalah, iterusken ku perkunjungen berikutna.
  7. Ndarami sura-sura Dibata ibas percakapen, ibabai gelah erpengendes.
  8. Percakapen itutup alu pertoton.
  9. Isi percakapen la banci ipebelang man kalak sideban.
Pendungi / Kesimpulan
  1. Adi banci iban Kartu Perkunjungen
  2. Team PRT simehulina: Sekalak Pt/Dk + 2 kalak anggota perpulungen ibas tiap terpuk.
  3. Team PRT berganti setiap tahun.

Pdt. M.P.Barus (Materi Pembinaan PRT-2007)

Belum ada Komentar untuk "PRT ( Perkunjungan Rumah Tangga ) - Jethro Sistem"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel